終於都踏上了麵包這條”不歸路”! 原先以為增添了焗爐後, 蛋糕將會是我的一生最愛。但原來真命天子另有其”人”… 原因好簡單, 麵包日日都可以食, 但蛋糕日日食的話, 唔變大肥婆都肯定有糖尿病!
因為呢幾次o既自家試驗唔合格, 決定出去上一堂! 尋晚相約好友K小姐一齊去上番堂入門班。原來我o既搓包手法唔正確, 令麵糰唔能夠正常地”快高長大”! 再加上酵母死咗, 發酵情況唔理想… 種種原因加埋, 令我一度失去信心!! 但而家d信心番晒唻喇~~ 決定每兩,三日整一次麵包! 師奶佬, 媽咪, 細妹都有自家健康麵包食。
因為呢幾次o既自家試驗唔合格, 決定出去上一堂! 尋晚相約好友K小姐一齊去上番堂入門班。原來我o既搓包手法唔正確, 令麵糰唔能夠正常地”快高長大”! 再加上酵母死咗, 發酵情況唔理想… 種種原因加埋, 令我一度失去信心!! 但而家d信心番晒唻喇~~ 決定每兩,三日整一次麵包! 師奶佬, 媽咪, 細妹都有自家健康麵包食。
如果各位有4個麵包份量的食譜, 不妨話我知。因為大部份食譜都係最少8個份量, 但我又唔想麵包放多過一日, 自己又未識得點去刪減份量…
好勁呀你!但腸仔包好鬼大隻!
回覆刪除[版主回覆06/20/2013 09:26:56]勁咩oY~ 走去上堂先成功咋... 個腸仔包唔大架, 只不過closeup 咗佢, 所以變得好巨型。其實麵包唔難做, 有焗爐就ok! 過程都係等o既時間, 實質落手搓不過十零廿分鐘!
我都是想學造麵包, 但又怕一造就走入不歸路.....
回覆刪除唔去上堂, 真的唔知自己的手法原來有問題...
[版主回覆06/24/2013 16:10:54]我而家已經響條不歸路上啦~ 每日都想搓包!!!
冇錯, 俾錢上堂真係有用!
我整第一個包包個時，都係因為唔想成日只係焗曲奇或蛋糕(真係唔食得多~)
回覆刪除其實食譜整8個，你直接將份量減半就得。我個BLOG都有啲包包食譜，你有時間嚟睇下啱唔啱用呀
[版主回覆06/25/2013 15:31:06]唔該晒你呀~ 等我去睇睇先
細個整過,好似石頭咁.... = ="
回覆刪除---------------------------------------------------
有時間都入黎我bog到睇下啦:D
[版主回覆06/26/2013 12:28:07]呢個好鬆軟
水太太都自己整包包，其實真係好難﹗之後放棄左，所以好佩服你會再試，終於成功，恭喜你呀~~
回覆刪除搓包真係好好玩，可惜我無乜時間玩
回覆刪除[版主回覆07/04/2013 18:15:59]我見你之前都有整架, 仲好勁添喎~
其實我都冇時間, 所以要搵D慳時間, 又快o既方法!!
歡迎加入整包行列
回覆刪除我冇你咁好心機自己搓包，我都係借麵包機幫手咋，之後自己造型囉
加油
[版主回覆07/09/2013 16:13:02]我自己覺得整麵包用手搓係最好玩，而且成功感大。再且屋企冇地方擺麵包機。