自製檸檬酵素 (附做法)

結婚前為咗健康地減磅響網上面做咗好多資料搜集, 知道有一種叫「酵素」o既o野, 當時未愛上"自家製", 所以響一間著名美容中心度買咗唻試。效果出奇地好, 但因為價錢太貴, 結完婚之後就冇再飲lu~

呢期「自家製酵素」非常之盛行, 家家戶戶都總有一樽半樽。酵素除咗可以用唻食用外, 仲有一種叫做環保酵素, 係for清潔用。

我今次整個檸檬酵素, 因為自結婚以唻, 心廣體胖咗唔少... 見自製食用酵素咁簡單方便, 唔駛再買幾百蚊一樽啦~ 


材料:

檸檬

冰糖

玻璃樽



做法:

1) 玻璃樽, 砧板, 刀等等用具先用熱水沖洗, 作消毒;

2) 檸檬洗乾淨表皮後風乾; 之後切片;

3) 樽底先放一層冰糖, 然後一層檸檬, 再一層冰糖, 一層檸檬, 如此類推; 頂層必須為冰糖;

4) 入好樽後, 用保鮮紙蓋面, 再上樽蓋;

5) 每日要打開樽蓋放氣和攪拌一下;

6) 21日收成後, 隔渣倒出酵素, 放入另一個樽 (可用膠樽);



P.S:
a) 剩低的果渣可供食用或用作酵種重新制作新的酵素。

b) 每日放氣一次, 以免食用酵素變成生果酒; 而且發酵時會出現大量氣泡, 如果不放氣會引致爆樽。

c) 不同的生果都可以制作食用酵素, 糖類可以冰糖/原糖/庶糖/黑糖等, 但不要用砂糖。

d) 食用酵素時必須使用玻璃器皿, 因發酵時會釋放一些氣體, 怕膠樽會出現氣味或引起化學作用。

e) 生果必須洗淨果皮, 用具必須消毒和完全乾爽。

 

 

上圖為第五天的收成, 但還未起泡。