脆皮奶皇月餅

中秋節係我其中一個最愛o既節日, 因為本人十分之喜愛食月餅同玩燈籠! 未禁玩爉燭時就最愛煲爉!! 儲月餅罐亦都係我興趣之一呢~

早幾年前開始興起奶皇月餅, 仲要必買嘉麟樓。但近呢兩年越唻越多人欣賞, 可謂一盒難求呀~ 為咗唔同人爭, 今年決定自己整!!

量好晒材料, 準備開工~~

尋日就全日hea響屋企做阿茂! 唔夠咸蛋黃, 只夠整24隻!

呢幾日會不停咁整月餅, 奶皇餡已經整晒, 呢幾日開始整白蓮蓉同黃蓮蓉。


**下年整番個自家月餅模先**