Lemon Tart @ Playground

呢期頻頻出去上堂, 學o既都係西式甜品。因為西式甜品比較複雜, 步驟多, 材料份量又要好準確! 中式甜品份量隨意, 煮法又簡單, 唔夠甜就加d糖, 太甜又可以加d水...

但好多時出去學完之後, 響屋企我都唔會再整... 一來屋企人唔多好甜品, 整一大個蛋糕冇人食; 二來佢地多數比較傳統, 鐘意食中式甜品。但今次學o既呢款甜品, 我一定會再整! 因為係我其中最愛o既西式甜品 - Lemon Tart

Lemon Tart 好難整得好食, 一係太甜冇乜檸檬味, 一係太淡又太酸; 呢個食譜好正!!! 佢o既甜度, 檸檬酸度剛剛好。 搵日得閒真係要再整俾自己食!

呢個係整餅底材料: 有低筋粉、糖霜、牛油同雞旦

呢個係檸檬餡材料: 檸檬汁、檸檬皮、砂糖、牛油、雞旦。

呢個係蛋白霜, 做法非常之繁複而且需時。如果屋企有呢個小幫手, 真係好方便! 正努力游說師奶佬中...

餅底焗好後, 先搽上一層朱古力醬, 以防止檸檬餡會整濕個餅底。

舖好檸檬餡, 唧埋個蛋白霜, 用火槍輕輕燒下個面。又靚又好味!!!


P.S: 我好鐘意唻呢個STUDIO學甜品, 價錢唔算係平, 不過我最鐘意佢個環境舒服, D甜品整出唻又夠晒靚, 唔係一般普通貨色!