和風一人前

上星期六我又自己湊仔!! 帶咗我個姨姪仔由尖咀坐船去中環, 再坐電車落金鐘。O個日真係好曬… 行行下佢竟然同我講「大姨, 超級熱呀!」哈哈哈~ 真係笑C我! 呢位小朋友, 人仔細細但好古惑!! 成鬼日都呃我, 又蝦我…

呃我事件一, 耐唔時同我講佢bu咗, 嘩~ 即刻高度戒備啦, 首先聞下有冇異味! 跟住再問多佢一次係咪bu咗, 佢竟然用好狡滑o既表情話”係呀!”, 跟住再問佢係咪講大話, 呃大姨, 佢又用番同一個表情講”係呀!”。真係俾佢吹脹!

蝦我事件一, 特登行得好慢… 要你抱! 問佢係咪蝦大姨, 佢會毫不掩飾地承應”係呀!”

連細妹都話「一個兇悍的大姨竟然俾一個2歲人仔蝦, 係一個奇蹟!」

原本呢個CP 17oval係買唻整豆腐花架嘛… 點知而家變咗做師奶佬o既專屬一人前餐具!!! 等我再敗多個17oval番唻先得!!

日本鰹魚湯拉麵+香煎咸三文魚

鰹魚湯底

鰹魚粉2湯匙

乾魚仔2-3條

日本醬油1湯匙

鹽少許

煎呢個三文魚, 最重要係煎到塊魚皮夠脆口! 油要多少少, 油溫唔好太高。

呢個一人前晚餐係師奶佬o既至愛!!