2014年生日曼谷之旅 - 美味生果

泰國同香港一樣, 有好多地道o既小食。閒閒地響Central World同Big C出面就搵到超過廿檔街邊小食攤。睇見都流晒口水...... 

不過要數最多o既就係生果檔同埋果汁檔。泰國天氣炎熱, 而且盛產各種生果。d生果檔仲會剝好皮, 切好晒放入袋。真係超級方便!!!  其中我最愛o既石榴, 仲可以榨埋汁, 唔駛食到成口都係核。

泰國呢度d石榴, 紅卜卜。好清甜! 響天氣炎熱o既下午, 買番樽一路行一路飲, 好爽!

 

 

唻到泰國... 當然要食我第二最愛o既山竹啦~ 好記得我第一次食山竹就係響泰國。小五時媽咪帶埋我, 細妹同婆婆跟團唻曼谷, 有一晚我地買咗好多生果番酒店食, 其中一樣就係山竹。

  

 嘩~~ D山竹多到成座山咁呀!!!

 

原來開山竹係咁鬼容易.... 響底部用力壓, 然後側邊用力一按就開到lu~ 以前媽咪教我用刀界開, 成日都整到d肉爛鬼晒~ 呢個方法真係超方便!

 

 

呵呵呵~~ 仲有我最喜愛o既芒果。泰國芒果雖然夠晒大又甜, 不過就唔夠呂宋芒香。

又紅又大o既荔枝!  試食o個粒好甜, 但買到番酒店o個d就唔多靚....

仲有我近年至愛o既榴槤!!!! 香到呢~~~ 不過冇人同我一齊食.....


下次再去泰國的話, 我一定會買成箱山竹, 芒果, 石榴同榴槤番香港慢慢嘆!

2014生日曼谷之旅 - Breakfast @ The Kitchen Table W Bangkok

去旅行除咗酒店住房環境要舒適之外, 食物質素都係我考慮之一。要知道早餐係最重要, 食到一個豐富而又好味o既早餐再出發活動, 人都精神d!!

說來慚愧, 我之前住咗2晚W Hong Kong, 都冇享用過佢地o既早餐。(因為香港W係唔包早餐的! 而且我o個2日根本都冇時間去食早餐...) 

W Bangkok只得一間餐廳, 所以早餐同埋晚餐都係響The Kitchen Table。我地星期五晚機, 去到酒店已經係凌晨12點幾... 搞埋check-in, 訓得落床都成2點幾3點鐘!! 但我地都要堅持第二朝早落去食番個早餐。 入到去環境好光猛, 好寬敞。早餐總共有4個Section: 亞洲區(主要係印度式、中式點心); 麵食區 (中式魚旦粉/泰式河粉); 冷盤區 (ham, green salad, juice, sushi); 西式區 (yogurt, 各種麵包, 蛋糕, corn flakes, yogurt)

有6種不同corn flakes; 牛奶又有full milk, low milk, soy milk。完全考慮到不同食客需要!

cold cut有煙鴨胸, 不同味道o既ham。仲有其他配料: Olive, Goat Cheese, buffalo cheese, Sweet Gherkins, etc

 

呢個凍櫃有不同果汁同其他飲品, 連yogurt都有5種不同口味。

如果要食煎蛋就要另外order, 枱上面有張卡list晒不同o既煮法。呢碟係炒蛋白, 張list上面係冇o既, 只要同staff講要"white egg"就ok。但我略嫌炒得太老....

個朱古力酥超好味! 

**Sorry, 因為本人唔多好中式早餐, 所以另外2個section我冇行到去。**

2014年生日曼谷之旅 - W Bangkok

我同細妹生日相差不過幾日, 所以由細到大都會一齊慶祝。近呢幾年, 每逢生日細妹總會出國渡過... 而我地好耐都冇一齊慶祝。今年, 細妹大破慳囊出錢請埋我一齊去旅行!  原本想去大阪, 但因為我的「經費不足」, 所以最後決定改去曼谷。

出發前2日, 曼谷政局突然變壞!!! 出發前1晚仲提高旅遊警示至紅色, 雖然我地都係如期出發, 但因為我地搭夜機, 又唔知當地情況, 所以我拿拿聲打去W Bangkok叫佢地幫手安排車去機場接我地。

我地去咗4日, 基本上曼谷市面真係冇事。見唔到人示威, 見唔到軍人!  只不過商場同街舖8點關門, BTS最後一班車8點。我地為免同人迫同埋冇車番酒店, 呢幾日都8點前番到去。不過我地都見到有部份人夜晚11點幾12點先番到酒店。其實我本人覺得係新聞報導只focus 響某一d情況而己。

講開W Hotel, 我o既wedding shower同埋結婚出門都係響W Hotel。唔知點解我對呢間酒店有種情意結!  如果響我有生之年可以入住全世界o既W Hotel就好lu~~

今次 W Bangkok入住Wonderful Room, 但check-in時已被upgrade 去Spectacular Room。細妹話之前2次我帶佢入住香港W酒店係Marvelous Suite, 點解唻到曼谷會被downgrade!! (o個2晚真係可一不可再啦~)

W Bangkok位於商業區內, 入黑後週邊都幾靜下。不過交通都算係方便, 因為BTS Chong Nonsi站響正隔離, 行過天橋就到!  雖然唔係中轉站, 但去Siam站都只係相隔3個站, 都算係好方便。不過坐的士o既話就唔係太多司機知道響邊。

漆黑中的粉紅W, 大大隻! 唔怕搵唔到啦~

一入門口又見到大大隻W字

金屬門牌, 簡約得唻又夠晒型格!

床上面o既拳套, 好重泰國口味!

張床大到呢~~ 可以訓到3個人!!

一入房門就見到o既浴缸, 細妹日日都用佢架~ 但我自己就偏愛佢隔離浴簾遮住o既RAIN SHOWER。

呢部好似I-PAD o既平板電腦, 唔係用唻上FACEBOOK或者WHATSAPP, 佢係間房o既remote control, 控制間房o既燈光, 冷氣溫度, "請勿打擾", 接受酒店訊息同埋鬧鐘功能。

W的貼心服務真係冇得頂!! 泰國天氣炎熱, 每日都會準備5枝免費樽裝水響房。但要留意, 寫住"DRINK UP"係免費, 另外有一枝係要俾100THB。

免費o既TWG茶包, 有3種口味!日日都有refill架~


W Bangkok價錢其實同其他5星酒店差唔多, 而家做緊Promotion, 連續入住3晚加送1晚。我細妹有2位朋友跟埋我地一齊去, walk-in價仲平過我地買package!  (真係激死!!!)

敗婦聚會之驚喜的泰式晚餐 (附香檸焗鱸魚食譜)

上星期六又約咗兩位敗婦人上唻我屋企飯聚。敗婦人話想食泰菜, 開正我o個飯~ 好老實, 西餐我真係一d都唔在行! 淨係記d香料用落咩食材度都已經搞到我一頭煙... 都係亞洲菜比較有信心!  今次4條友 (加埋師奶佬) 總共煮咗4個餸, 開咗一小枝香檳+一枝白酒 (唔記得邊個送, 但桃味唔係我杯茶)。

cheers~~~

今次又試咗個新菜式 - 香檸焗鱸魚。真開心我班「試食敢死隊」成員又增多咗兩位。呢幾日d天氣真係又熱又焗, 下午出咗去九龍城買餸, 真係香汗淋漓!!! 一路行d汗不停咁滴, 仲勁過跳鄭多燕!!! 雖然又熱又攰, 之但係我又好enjoy買餸煮飯呢個過程。


材料:
鱸魚          1條

醃料:
南薑          1小舊
香茅          1枝
青檸          1個
檸檬          1個
檸檬葉      4-6片
粗鹽          大量

做法:

1) 鱸魚洗淨 (不要去鱗), 抺乾水份;
2) 南薑切小塊, 香茅切段, 青檸榨汁, 檸檬半個榨汁, 半個切片;
3) LC 26cm buffet 錫紙舖在上面, 放上一層粗鹽, 少許香茅, 3片檸檬和檸檬葉, 然後鱸魚放上面;
4) 在鱸魚肚內放入香茅, 南薑, 檸檬片; 在鱸魚身上放一層粗鹽,  3片檸檬和檸檬葉, 在放上餘下的南薑和香茅; 在淋上青檸汁和檸檬汁, 最後用錫紙包好, 醃1-2小時;
5) 焗爐預熱200度, 放入26cm buffet (不加蓋) 焗35mins;

打開錫紙時, 聞到陣陣的香茅和檸檬香味。



《同場加映 - 失驚無神嚇死你!! 》
話說當我響廚房煮緊o野時, 門鐘就響起, 媽咪幫我開口。我以為係細妹上唻搵我, 點知過咗幾分鐘都聽唔到人聲.... 好奇下就走出廚房睇睇啦~ 點知見到媽咪打開咗大門, 呆呆咁企咗響度... 而我就見到鐵閘出面有舊o野, 當我打開個鐵閘時, 淨係見到個喼但見唔到人... 真係俾佢地兩個嚇死!!!

我真好開心, 好驚喜!  好多謝呢兩位敗婦人送我呢份生日禮物。放心! 唻緊o既泰國同台灣之旅一定會敗d好物番唻同你地分享!!

Staub 24 開光之泰式啫啫通菜煲 (附食譜)

早前萬寧出Promotation, 竟然係換購另一法國品牌 - STAUB鑄鐵廚具! 雖然我係Le Creuset Fans, 但作為廚具採購商的我, 我當然要試下唔同品牌o既廚具啦~  知己知彼嘛~ (雖然屋企已經有好多HOME TEST 樣板等住我用)

自從4月份整親隻腳又出咗差, 入廚房o既次數真係5隻手指都數得出!! 今次換咗個煲番唻, 都擺咗成2個星期先的起心肝走去買餸開光。呢期出街食得多咗, 好多時都係煲仔菜。薑蔥鯇魚煲、魚香茄子煲、什菜煲等等。我換STAUB番唻都係因為黑裡可以用唻爆炒, 整煲仔菜就最o岩!  我最鐘意食啫啫通菜煲, 夠晒惹味。

材料:
通菜          1斤
獨子蒜      4粒
蔥頭          4-5條
乾蔥          3粒
指天椒      3條

調味料:
蝦醬          2-3大匙
紹興酒      1大匙
糖              1茶匙
麵豉醬      2大匙

做法:

1) 通菜洗淨後切成2-3段;
2) 將紹興酒+蝦醬+糖拌勻備用;
3) 獨子蒜切碎, 指天粒斜刀切小段備用;
4) 凍鍋下油, 爆香蔥頭, 乾蔥, 蒜粒和指天椒;
5) 把通菜莖先下鍋炒至半熟後, 下1大匙的蝦醬和麵豉醬炒勻;
6) 把通菜葉的部份下鍋, 再下剩餘的蝦醬和麵豉醬 炒勻;

P.S:  a) 不需要下水炒, 因炒至中途通菜會出水。
         b) STAUB 24 炒一斤多少少通菜剛剛好, 再多的話會好難炒或者要分兩次炒。


   

【藍象咖喱系列】黃咖哩雞 (附食譜)

自從兩年前同朋友出走泰國遇上「藍象」後, 真係再搵唔到其他咖哩醬代替。雖然都要加番d調味, 但真係又方便又好味呀!  咖哩配雞肉係絕佳組合, 亦都係我至愛。

用LC煲唻煮咖哩, 方便快捷又好味!!! D紅蘿蔔同薯仔好入味...

材料:
雞脾肉   3件
紅蘿蔔   2條
薯仔       2個
洋蔥       2個

醃料:
糖
鹽
胡椒粉
魚露
生抽


調味料:
藍象黃咖哩   1包
印度咖哩醬   3大匙
糖                   少許
鹽                   少許
魚露               少許
乾指天椒       3隻
香葉               2片
BASIL           少許

做法:
1) 急凍雞脾肉洗淨, 去肥膏後, 切件; 用醃料醃10-15MINS;
2) 薯仔, 紅蘿蔔去皮切成小塊, 洋蔥切粗條, 用鑊炒至金黃色盛起備用;
3) 凍鍋下少許油, 炒香咖哩醬, 乾指天椒和香葉, 把雞件下鍋炒勻;
4) 加入一杯水份量, 中大火煮滾後加蓋轉小火煮10MINS;
5) 把已炒香的薯仔, 紅蘿蔔和洋蔥放入鍋, 加蓋用小火煮10MINS;
6) 下其餘調味料後, 大火煮至大滖, 熄火, 加蓋焗10MINS; 即成。

呢隻係我最愛用的印度咖哩醬, 又香又夠辣! 加入藍象咖喱一齊煮, 超好味!!!