5日4夜熱辣辣台北遊之貓空半日遊

上星期我同細妹+3位堂家姐+1位小朋友去咗台北玩。好老實, 我從未試過暑假去旅行... 今次之後, 7,8月真係唔好預我去旅行! 熱到呢~~~

因為今次有小朋友o既關係, 行程/景點係比較大路。好似貓空、九份、十分、動物園。因為天氣實在太~太~太熱喇!! 小朋友呢幾日不停咁扭計, 發脾氣... 搞到我地班大人都好攰!

台北我去過4、5次, 但從未考慮過去貓空。一來我畏高; 二來我對風景區冇乜興趣! 今次因為有小朋友, 而且我地租車o個位司機又推介我地去下...  去到纜車站就見到個巨型HelloKitty!!!

除咗呢個巨型HelloKitty之外, 原來貓空站周圍都係HelloKitty!!!

價目表+路線圖

大型壁畫

緊急出口

詢問處

纜車車身

洗手間出入口+指示方向

山頂貓空站

坐大約20分鐘纜車就上到山頂。貓空最多o既係茶園, 不過天氣實在太熱, 而且茶園係室外多, 所以我地冇去到嘆茶, 只係試咗一杯鐵觀音味o既雪糕, 再逗留咗大約30分鐘就走人!