久違了的自家製麵包

我真係懶到爆!!!! 早排養咗樽米麴酵母, 點知用唔夠兩次就死咗.... 唉~ 浪費晒D時間同心機!! 上星期日響屋企百無聊賴, 一於搓番兩個麵糰先!!  一個做低溫發酵, 一個就即做即焗。

可能真係好耐冇搓包... D手勢生疏晒!  之前跟韋太學過搓包, 覺得佢教o既搓包方法慳水又慳力, 不過... 完全唔記得晒!  唯有用番Carol個甩打麵糰方法.... 雖然係攰d, 不過就簡單易學。之但係就唔可以夜媽媽做, 因為我試過11點幾慶起搓包, 俾樓下投訴...

我覺得搓包能夠舒緩/平衡心理。因為無論當日心情如何唔開心。睇見d包包焗出唻脹卜卜, 心情隨即開心番晒!