2014年生日曼谷之旅 - 泰式雪糕三文治

我發覺我同細妹係好有冒險精神!! 去到泰國見到唔少街頭小食, 我地兩條友仔真係乜都夠同膽放入口...  

好似呢檔咁, 響Central World出面。都見有唔少當地人買唻食, 我同細妹又忍唔住買埋一份!! 其實真係唔知咩唻... 叔叔又唔識英文, 我地又唔識泰文!! 好似大約20THB。

叔叔知道我地係遊客, 邀請佢合照, 仲專登擺埋POST, 又望晒鏡頭咁, 非常之NICE!

 

 

其實呢件o野係咸係甜我地都唔知..... 一咬落去, 原來係椰子味雪糕三文治。個椰子味雪糕裡面有少少果仁碎, 香草。而外加咗花生, 雪糕底下有甜甜糯米飯。大熱天時食呢件甜品小吃, 真係涼透心.........