徬徨、迷惘、無助...

失業將近一個月，已經變咗做「半宅師奶」！即係除咗落食飯之外，基本上我係足不出戶... 成個人冇晒心機，冇晒動力！早幾個月前透過一位朋友預約咗一個泰國師傅算下運程，終於都等到今日！師傅話算到我運程應該唔錯，但所開o既牌全部都係唔好！連師傅都覺得好奇怪！佢話我呢期運情好差... 做乜都唔得，個人好徬徨、好無助！而且係差到會大喊一場o個隻！咁我又未止於咁軟弱o既... 不過其實我都覺得奇怪，點解send咗咁多信出去，一d消息都冇！從未試過咁樣......

師傅話我身邊冇人幫到我，一直都係靠自己！講得冇錯，由我18歲開始o既人生都係靠我自己！有時真係覺得好攰... 好想抖下！幸好，身邊有家人同朋友o既支持。其實我覺得只有身邊有人支持已經足夠！

師傅話我要到6月，運氣先會好番少少... 6月！仲有3個月呀～ 點捱...... 想搵份part-time做下，等自己唔駛日日都屈響屋企！再咁落去我怕我會有抑鬱症！