自家製有「營」早餐

師奶佬上個月底調番去尖沙咀番工, 我地兩公婆又可以放工齊齊行街食飯拍下拖!!  呢幾日我放工都過去接師奶佬放工。我地真係好鬼耐冇行街喇... 近年都係放假留響屋企買餸煮飯又或者叫外賣食。都好少會兩公婆拍下拖!!!

上星期五我地又去行街街, 行經CitySuper, 師奶佬突然慶起話星期六想響屋企食早餐! 咁我又真係絕少自己煮早餐。難得佢咁有興趣, 我當然樂於配合啦~

買齊煙肉、腸仔、麵包同牛油。屋企有雞蛋同咖啡, 萬事俱備了!

我o個份係炒蛋白, 師奶佬就要太陽蛋。發覺原來台灣雞蛋都幾香蛋味。