論盡的我

我成日都"哦"媽咪, 行路小心D, 唔好成日都跌親! 點知尋日下午竟然輪到我....  明明睇住唻上樓梯, 咁都會仆親... 好在唔係落緊樓梯咋~
雖然冇乜事, 但都搞到行路要慢半拍 (好似人地大肚婆咁...) 上落樓梯都要扶住, 左手更加因為拉傷咗而無力。星期六仲要請咗班舊同事上唻食飯, 都唔知應唔應付到添架~ 呢次真係麻煩喇...

媽咪話好彩未陀仔咋~ 如果唔係咁樣跌法, 個B都跌埋出唻。其實跌親o個刻我個心都寒一寒, 如果我陀緊B真係唔知點算...

師奶佬話今次係一個好好o既教訓, 睇我以後仲會唔會行路唔睇路, 行得太快, 做事咁心急!  唉... 我呢d死人性格係時候要改一改!